2024 жылдың 1 қаңтарынан бастап АХҚО-ның «Крипто биржалар мен АХҚО лицензиясы бар басқа тұлғалардың қазақстандық екінші деңгейлі банктермен өзара іс-қимыл тәртібі мен тетіктері туралы» ережесі күшіне енді.

Осы Ереже «Астана» халықаралық қаржы орталығы туралы» Қазақстан Республикасының 2015 жылғы 7 желтоқсандағы № 438-V Конституциялық заңының 4-1-бабының 5-тармағына және «Қазақстан Республикасындағы цифрлық активтер туралы» Қазақстан Республикасының 2023 жылғы 6 ақпандағы № 193-VII Заңының 11-бабының 2-тармағына сәйкес әзірленді.

Аталған Ереже цифрлық активтер қызметтерін Жеткізушілердің Қазақстан Республикасының екінші деңгейдегі банктерімен ынтымақтастығының тәртібі мен тетіктерін реттейді.