Жаңалықтар
AQ Group жаңалықтары

Жариялаған:

Қазақстан әлемдік биткоин майнингі көлемі бойынша үшінші орынға шықты

CNBC хабарлауы бойынша, бұған Қытайдың әлемдік биткоин майнингіндегі үлесінің күрт төмендеуі оң ықпал етті.

Кембридж баламалы қаржы орталығының мәлеметіне сәйкес, 2021 жылдың сәуірінде әлемдегі биткоин майнингі үшін қолданылатын энергияның 46% Қытай үлесіне тиді. 2019 жылдың қыркүйегінде бұл көрсеткіш 75,5% құраған.

Осы уақыт ішінде Қазақстан өзінің үлесін 1,4%-дан 8,2%-ға дейін арттырып, биткоин майнингі жаһандық нарығындағы көлемі бойынша үшінші өндіруші болды. АҚШ үлесі 16,8%-ға дейін өсті. Осылайша, майнинг саласында үздік бестік келесідей:

  1. Қытай
  2. АҚШ
  3. Қазақстан
  4. Ресей
  5. Иран

Бір айтарлық жайт, америкалық мамандар мәлеметі Қытай криптоиндустриясындағы соңғы өзгерістерді есепке алмайды. Атап өтсек, Қытайдың бірнеше аймағында жергілікті билік майнинг фермалардың жұмысына тыйым салды. Нәтижесінде қытайлық майнерлердің көршіліс елдерге (оның ішінде Қазақстан да бар) миграциясы күрт өсіп кетті.